Justin Kluivert, sonur Patrick Kluivert, mun ekki framlengja samning sinn við hollenska stórliðið Ajax.
Þetta staðfesti Kluivert sjálfur en Ajax reyndi að selja leikmanninn til Tottenham síðasta sumar án þess að hann vissi af því.
Samherji Kluivert, Davinson Sanchez var seldur til Tottenham en Kluivert hafði ekki áhuga á að fylgja.
,,Ég mun ekki framlengja samning minn við Ajax. Það er of mikið sem hefur gerst,“ sagði Kluivert.
,,Slæmur mórall, lítið traust og þeir reyndu að selja mig til Tottenham án þess að ég vissi af því.“
,,Það segir ekkert um Ajax heldur fólkið sem vinnur hjá félaginu. Ef þú ert hátt settur þá lítur þetta út eins og leikur fyrir þér.“
,,Þeir gera það sem þeir vilja og nú finn ég fyrir því aftur. Þeir gera það sem þeir vilja.“
