Gianluigi Buffon er sagður vera í viðræðum við franska liðið Paris Saint-Germain um að ganga í raðir félagsins.
Le Parisien og Canal + greina frá þessu í dag en þessar fregnir hafa komið mörgum á óvart.
Buffon er fertugur að aldri en hann hefur undanfarin 17 ár leikið með ítalska stórliðinu Juventus.
Buffon hefur unnið allt með Juventus fyrir utan Meistaradeildina og gæti freistað þess að fara annað áður en ferlinum lýkur.
Það verður fróðlegt að sjá hvernig þetta fer en samkvæmt fregnum eru viðræðurnar komnar langt.
