Frank Lampard, fyrrum leikmaður Chelsea, telur að það sé líklegt að Antonio Conte kveðji félagið eftir tímabilið.
Conte og félagar áttu ekki gott tímabil eftir að hafa unnið Englandsmeistaratitilinn á síðasta ári.
Lampard er hrifinn af Conte en telur að ef samband hans og stjórnarinnar sé ekki gott þá þurfa breytingar að eiga sér stað.
,,Ég tel að Conte sé frábær stjóri. Hann hefur gert mjög góða hluti með Chelsea,“ sagði Lampard.
,,Þetta ár hefur verið mikil vonbrigði en það sem hann gerði á síðasta ári var magnað.“
,,Við þurfum jákvæði hjá Chelsea. Þetta ár hefur verið of neikvætt. Ef annað hvort stjórnin eða Conte vilja breytingu þá mun það gerast í sumar.“