Egypska goðsögnin Mohamed Aboutrika, hefur fulla trú á að Liverpool geti unnið Real Madrid í úrslitum Meistaradeildarinnar.
Aboutrika telur að Mohamed Salah geti gert gæfumuninn og segir að bakvörður Real, Marcelo, sé dauðhræddur við sóknarmanninn.
,,Liverpool á góðan möguleika á að vinna Meistaradeildina gegn Real Madrid,“ sagði Aboutrika.
,,Ég sá hvað Salah getur gert við Marcelo á Ólympíuleikunum. Ég spilaði með Egyptalandi gegn Brasilíu. Marcelo er dauðhræddur við Salah.“
,,Ég sá það sama í Meistaradeildinni þegar Roma mætti Real Madrid.“