Það fóru fram tveir leikir í Inkasso deild kvenna í kvöld en önnur umferð deildarinnar fer fram.
Keflavík er með fullt hús stiga eftir fyrstu tvær umferðirnar en liðið mætti Fjölni í kvöld.
Keflavík hafði að lokum betur með tveimur mörkum gegn einu og er á toppnum með markatöluna 7-1.
Fylkir vann þá öruggan sigur á Þrótt Reykjavík á Fylkisvelli en lokastaðan þar var 4-0 fyrir heimastúlkum.
Fylkir er einnig með fullt hús stiga eftir tvær umferðir og hefur enn ekki fengið á sig mark.
Keflavík 2-1 Fjölnir
1-0 Anita Lind Daníelsdóttir
2-0 Mairead Clare Fulton
2-1 Mist Þormóðsdóttir Grönvöld
Fylkir 4-0 Þróttur R.
1-0 Marija Radojicic
2-0 Ída Marín Hermannsdóttir
3-0 Marija Radojicic
4-0 Þóra Kristín Hreggviðsdóttir