Hólmbert Aron Friðjónsson, Adam Örn Arnarsson og Aron Elís Þrándarson voru allir með Aalesund í dag sem spilaði við Strommen í Noregi.
Íslendingarnir þrír voru allir í byrjunarliði Aalesund og spiluðu Hólmbert og Aron allan leikinn.
Aalesund þurfti að sætta sig við 2-2 jafntefli á heimavelli þar sem Hólmbert gerði annað mark liðsins.
Liðið er þó enn taplaust eftir átta leiki í deildinni og situr á toppnum með 20 stig.
Viking er svo í öðru sæti deildarinnar með 19 stig og svo koma tvö önnur lið þar á eftir með 15.
