Chelsea hefur verið sektað um 20 þúsund pund af enska knattspyrnusambandinu en þetta var tilkynnt í dag.
Leikmenn Chelsea misstu sig aðeins í leik gegn Huddersfield í mánuðinum er liðin gerðu 1-1 jafntefli.
Leikmenn Chelsea hópuðust að dómara leiksins, Lee Mason, eftir að hann flautaði fyrri hálfleik af.
Chelsea vildi fá að taka hornspyrnu sem dæmd hafði verið en Mason ákvað að flauta strax til hálfleiks.
Það var mikið undir fyrir Chelsea í leiknum en liðinu tókst ekki að hafa betur gegn nýliðunum.
