Gareth Southgate þjálfari Englands er byrjaður að hringja í leikmenn og tilkynna þeim hvort þeir fari með á HM eða ekki.
Búið er að greina frá því að Joe Hart markvörður Manchester City sem er í láni hjá West Ham fari ekki með.
Nú er greint frá því að Jack Wilshere miðjumaður Arsenal hafi fengið símtalið vonda. Hann fer ekki með til Rússlands.
Wilshere hefur spilað nokkuð vel eftir að hafa náð sér af meiðslum.
Fabian Delph bakvörður og miðjumaður Manchester City var hins vegar valinn í hópinn samkvæmt enskum blöðum. Southgate mun opinbera hóp sinn á morgun.