Ander Herrera miðjumaður Manchester United segir að Eden Hazard leikmaður Chelsea sé besti leikmaður ensku úrvalsdeildarinnar.
Að mati flestra er það Mohamed Salah leikmaður Liverpool en því er sá spænski ekki sammála.
Hazard hefur verið einn besti leikmaður ensku úrvalsdeildarinnar í mörg ár.
,,Að mínu mati er Hazard besti leikmaður deildarinnar,“ sagði Herrera.
,,Ég hef alltaf haldið því fram að hann sé sá besti, frá því að ég kom hingað.“