433

Kórdrengir fara hamförum á lokadeginum – Guðmundur Atli og Pape mættir

Hörður Snævar Jónsson
Þriðjudaginn 15. maí 2018 16:50

Félagaskiptaglugginn á Íslandi lokar í kvöld en Kórdrengir eru að styrkja liðið sitt all hressilega á lokadegi gluggans.

Haukur Lárusson fyrrum miðvörður Fjölnis hefur gengið í raðir félagsins.

Þá hefur Andri Steinn Birgisson sem hefur farið víða á ferli sínum samið við liðið.

Guðmundur Atli Steinþórsson sem hætti í fótbolta árið 2016 vegna hjartavandamála hefur gengið í raðir félagsins.

Þá mun framherjinn knái, Pape Mamadou Faye kom til liðsins síðar í sumar en hann hefur síðustu mánuði dvalið í Senegal.

Pape hefur mikla reynslu úr efstu deild þrátt fyrir að vera fæddur árið 1991. Kórdrengir ætla sér upp úr 4. deildinni í sumar en liðið var afar nálægt því síðasta sumar.

Í vetur hafa Kórdrengir fengið Farid Zato, Hjört Hjartarson, Ingvar Kale, Robert Jerzy Menzel, Þórð Steinar Hreiðarsson og fleiri öfluga leikmenn.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af