Antonio Conte stjóri Chelsea ætlar að greina frá því eftir tvær vikur hvað framtíð hans ber í skauti sér.

Conte hefur ekki náð að kreista út það besta úr Chelsea í ár og Roman Abramovich eigandi félagsins hefur iðulega ekki mikla þolinmæði.

Chelsea er þó í úrslitum enska bikarsins og sigur þar gæti orðið til þess að Conte yrði áfram.

,,Ég er einbeittur á nútíðina, að gera þetta starf eins vel og ég get fyrir leikmenn og stuðningsmenn,“ sagði Conte en liðið á enn veika von á Meistaradeildarsæti.

,,Okkar starf er ekki einfallt, ég er einbeittur á það sem er í gangi núna.“

,,Það eru tvær vikur eftir af tímabilinu, svo læt ég ykkur vita hvað gerist. EF þið sjáið mig aftur á næstu leiktíð þá farið það að ræða um framtíð mína frá fyrsta leik.“