433

Óli Kristjáns lofsyngur Breiðablik – ,,Eru með besta hægri bakvörð deildarinnar og einn besta miðjumanninn“

Hörður Snævar Jónsson
Fimmtudaginn 3. maí 2018 12:52

,,Það er búið að vera fínt, við erum búnir að spila solid. Varnarlína sem er nú ný hefur haldið vel, það hefur verið kraftur í liðinu. Úrslitin hafa verið góð og spilamennskan líka,“ sagði Ólafur Kristjánsson þjálfari FH um byrjun liðsins á tímabilinu. FH vann Grindavík í 1. umferð Pepsi deildarinnar og slátraði ÍR í 32 liða úrslitum bikarsins.

Ólafur tekur á móti sínu gamla félagi á mánudag í Pepsi deildinni og hann lofsyngur sitt gamla félag. Segir þá vera létt og skemmtilegt lið.

,,Þeir fóru vel af stað, eru vel mannaðir og eru með gott lið. Þeir eru með geysilega öflugt lið, þeir eru með gott miðvarðarpar, besta hægri bakvörð landsins, Oliver er kominn heim, Gísli Eyjólfsson sem er einn besti miðjumaðurinn í deildinni, Sveinn Aron er sjóðandi heitur. Þú sérð að þetta er létt og skemmtilegt lið sem við fáum í heimsókn, mikil leiklegði í þeim. Við þurfum að vera á tánum ef við ætlum að velgja þeim undir uggum.“

Jonathan Hendrickx sem að mati Ólafs er besti hægri bakvörður deildarinnar var í FH í fyrra en stoppaði stutt erlendis áður en hann snéri aftur til Íslands.

,,Ég held að FH hafi ekki látið hann fara, hann vildi fara. Honum líkar það vel á Íslandi að hann er kominn aftur.“

Viðtalið er í heild hér að ofan og neðan.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Tour of Reykjavík 2018