Wilfried Zaha, sóknarmaður Crystal Palace hefur verið magnaður á þessari leiktíð.
Hann er kominn með sjö mörk og tvær stoðsendingar í 26 leikjum fyrir Palace á tímabilinu og hefur verið langbesti leikmaður liðsins.
Zaha hefur verið sterklega orðaður við stærstu lið ensku úrvalsdeildarinnar að undanförnu en hann spilaði með Manchester United á árunum 2013 til 2015 þar sem lítið gekk upp hjá honum.
„Ég var ungur þegar að ég var hjá United, ég vissi ekki hverju ég átti von á og kunni engan veginn að haga mér,“ sagði Zaha.
„Ég var bara strákur sem vildi taka menn á, ég var ekkert að hugsa um að verjast og mér var í raun alveg sama um varnarleikinn.“
„Núna er ég orðinn eldri og ég sé hlutina öðruvísi. Ég hef bætt mig mikið og ég hef þroskast sem einstaklingur,“ sagði hann að lokum.