,,Ef ég horfi til baka á alla leikina í vetur þá erum við ekkert með sérstakan árangur,“ sagði Rúnar Kristinsson þjálfari KR fyrir fyrsta leik liðsins í Pepsi deild karla. Liðið mætir Val í fyrsta leik á föstudag.
Rúnar tók við KR í vetur og hefur gengið í vetur ekki verið gott. Hann segir liðið hafa sýnt allar hliðar í vetur.
,,Þegar okkur gengur vel og við erum að gera hlutina rétt, þá erum við flottir. Þegar menn eru að slaka á og hvíla sig, menn ekki að nenna að gera hlutina, þá erum við mjög lélegir.“
,,Þetta eru æfingaleikir og menn eru í misjöfnu standi í þessum leikjum, ég held að þegar maður sér liðið spila vel og vinna vel saman þá erum við öflugir. Þegar mótið er byrjað þá er ekki hægt að slaka á, hver mínúta og mark skiptir máli.“
,,Við erum búnir að vera breyta um leikkferi, tvö kerfi sem við erum að vinna mest með. Það hefur gengið ágætlega.“
Viðtalið við Rúnar er í heild hér að neðan.
[youtube https://www.youtube.com/watch?v=-a14aixDSb4]
