Antonio Conte, stjóri Chelsea segir að líf Jose Mourinho hjá félaginu hafi verið auðvelt á sínum tíma.

Conte tók við Chelsea sumarið 2016, á sama tíma og Mourinho tók við Manchester United en Ítalinn gerði Chelsea að Englandsmeisturum á sínu fyrsta tímabili með liðið.

Hann hefur verið talsvert gagnrýndur að undanförnu en Chelsea situr nú í fimmta sæti deildarinnar með 63 stig og verður að teljast ólíklegt að liðið nái Meistaradeildarsæti.

„Mourinho vann 72 leiki í fyrstu 100 leikjunum sínum og hann er frábær stjóri,“ sagði Conte.

„Það má samt ekki gleymast að það er ansi langt síðan hann vann þessa leiki, ég hef unnið 65 leiki í fyrstu 100 leikjunm og ég er sáttur með það.“

„Það er ekki auðvlelt að ná í úrslit í dag, ekki jafn auðvelt og það var allavega. Við unnum titilinn í fyrra eftir að hafa endað í tíunda sæti árið áður,“ sagði stjórinn að lokum.