Juventus vill fá Filipe Luis, vinstri bakvörð Atletico Madrid en það er Gazetta dello Sport sem greinir frá þessu.
Luis er lykilmaður í liði Atletico Madrid en hann kom aftur til félagsins frá Chelsea árið 2015.
Chelsea keypti hann af Atletico Madrid árið 2014 en hann var magnaður, tímabilið 2013-14 þegar Atletico varð Spánarmeistari.
Þá fór liðið alla leið í úrslit Meistaradeildarinnar, vorið 2014 þar sem að liðið tapaði gegn Real Madrid.
Verðmiðinn á leikmanninum er í kringum 20 milljónir punda en Alex Sandro, bakvörður Juventus hefur verið sterklega orðaður við Chelsea að undanförnu.
