Það er skammt stórra högga á milli hjá Þrótti en í síðustu viku lét Gregg Ryder af störfum. Gunnlaugur Jónsson tók við starfi hans.
Nú hefur Hallur Hallsson hætt sem aðstoðarþjálfari liðsins en hann tók við starfinu síðasta haust.
„Ég verð ekki áfram aðstoðarþjálfari liðsins. Þar sem ég gat ekki lofað mér áfram 100% í starfið vegna fjölskylduaðstæðna var tekin sú ákvörðun að það kæmi nýr aðstoðarþjalfari á þessum tímapunkti,“ sagði Hallur í samtali við Fréttablaðið.
Þróttur leikur í 1. deild karla í sumar og er liðið nokkuð vel mannað og gæti komið sér upp í efstu deild.
