Jamie Redknapp sérfræðingur Sky Sports segir að ef hann væri leikmaður í dag þá færi hann alltaf til Manchester City frekar en Manchester United.
City varð enskur meistari í gær eftir tap United gegn West Brom. Í dag er City stóra liðið í borginni og líklegra til árangurs en United sem á frábæra sögu.
,,City merkir í öll boxin, þeir hafa stjórann, leikmennina, eiganda og allt í kringum félagið til að vera eitt besta lið í sögu deildarinnar,“ sagði Redknapp.
,,Ef ég væri ungur leikmaður að velja á milli þessara liði, þá myndi ég alltaf velja Guardiola og City. Þeir eru að byggja eitthvað sérstakt.“
,,Manchester United hefur unnið deildina tuttugu sinnum og City hefur lengi verið í skugga þeirra, bláa liðið hefur hins vegar eitthvað meira núna fyrir leikmenn. Ef þú vilt söguna þá ferðu til United, ef þú vilt framtíðina þá ferðu til City. Svona sé ég þetta núna.“