West Ham tók á móti Stoke í mánudagsleik ensku úrvaldeildarinnar í kvöld en leiknum lauk með 1-1 jafntefli.
Peter Crouch kom gestunum yfir með marki á 79. mínútu en Andy Carroll jafnaði metin fyrir heimamenn í uppbótartíma og lokatölur því 1-1.
David Moyes, stjóri West Ham var sáttur með spilamennsku sinna manna og vildi fá meira út úr leiknum.
„Við áttum alls ekki skilið að tapa og ef það hefði gerst þá væri fótboltaguðirnir á móti okkur. Við stjórnuðum leiknum og vorum betri þegar að þeir skora markið,“ sagði Moyes.
„Ég er ánægður með þá leikmenn sem komu inn á af bekknum og gerðu gæfumuninn. Mér fannst þeir aldrei ná að ógna markinu okkar almennilega, fyrr en þeir skora og heilt yfir er ég mjög sáttur með spilamennskuna.“
„Við þurfum 40 stig til þess að vera öruggir og mér fer ekki að líða vel fyrr en við náum þeim stigafjölda. Það eru ennþá mörg lið sem geta fallið og úrslitin gætu ráðist í lokaumferðinni,“ sagði stjórinn að lokum.