Barcelona ætlar sér að fá tvo leikmenn frá Ajax í sumar en það er Mundo Deportivo sem greinir frá þessu í kvöld.
Leikmennirnir sem umræðir eru þeir Matthijs de Ligt og Frenkie de Jong en þeir eru báðir afar efnilegir.
De Ligt er 18 ára gamall miðvörður sem hefur slegið í gegn á þessari leiktíð en hann ber fyrirliðabandið hjá félaginu, þrátt fyrir ungan aldur.
De Jong er tvítugur miðjumaður sem hefur komið við sögu í 25 leikjum með Ajax á tímabilinu þar sem hann hefur skorað 1 mark og lagt upp önnur 7.
Barcelona leitar að ungum og efnilegum leikmönnum til þess að taka við keflinu en margir af leikmönnum liðsins eru að komast á aldur.