Theódór Elmar Bjarnason var á sínum stað í byrjunarliði Elazigspor er liðið mætti Adana Demirspor í næst efstu deild Tyrklands í dag.
Elmar gekk í raðir félagsins síðasta sumar og hefur spilað afar vel með liðinu.
Elazigspor vann 2-1 sigur í dag og var sigurinn afar mikilvægur fyrir liðið.
Elazigspor er nú aðeins tveimur stigum frá sæti í umspili um sæti í efstu deild.
Þrjár umferðir eru eftir af deildinni en Elmar er að berjast um að komast í HM hóp Íslands.