Gunnleifur Gunnleifsson markvörður Breiðabliks var fluttur með sjúkrabíl eftir aðeins eina mínútu í æfingaleik gegn Fjölni í dag.
Tæpar tvær vikur eru í fyrsta leik í Pepsi deildinni en þá tekur Breiðablik á móti ÍBV.
Þannig er mál með vexti að Gunnleifur lenti í samstuði við Damir Muminovic samherja sinn.
Við það rotaðist Gunnleifur sem var fluttur með sjúkrabíl í skoðun, úr henni komu góð tíðindi.
,,Takk fyrir góðar kveðjur. Tek Lýsi í fyrramálið og mæti svo æfing,“ skrifar Gunnleifur á Twitter.
Gunnleifur er 42 ára gamall en hann gekk í raðir Breiðabliks frá FH árið 2013.