Manchester United sá til þess að í dag varð Manchester City enskur meistari. United tók á móti West Brom á heimavelli, slakasta liði ensku úrvalsdeildarinnar.
City vann Tottenham í gær og með tapi United í dag er liðið orðið enskur meistari þegar fimm leikir eru eftir. United átti afar slakan leik í dag en í fyrri hálfleik hefði liðið átt að fá vítaspyrnu þegar brotið var á Ander Herrera.
Liðið spilaði hins vegar einn af sínum slakari leikjum í vetur og það kom í bakið á þeim á 73 mínútu leiksins þegar Jay Rodriguez tryggði sigur gestanna. Sigur City í deildinni því staðreynd en liðið hefur haft rosalega yfirburði.
Pep Guardiola er þarna að vinna sinn sjöunda sigur í deildarkeppni sem þjálfari og það á níu árum.
Honum mistókst einu sinni að vinna deildina með Barcelona og í fyrra með Manchester City.
7 – Pep Guardiola has won the top-flight league title in seven of his nine seasons as a manager, with the only exceptions being 2011-12 at Barcelona and 2016-17 at Manchester City. Mastermind. pic.twitter.com/wLGOio3MU2
— OptaJoe (@OptaJoe) April 15, 2018