Lærisveinar Jurgen Klopp í Liverpool eru á flugi og er erfitt að stoppa liðið um þessar mundir.
Bournemouth var fórnarlamb Liverpool í dag þegar liðið heimsótti Anfield í Bítlaborginni. Það var hinn eldfljóti Sadio Mane sem kom Liverpool yfir eftir sjö mínútna leik.
Liverpool ógnaði áfram en það var ekki fyrr en hinn ótrúlegi, Mohamed Salah kom Liverpool í 2-0 sem taugarnar hjá Klopp róuðust.
Salah sem hefur verið magnaður á sínu fyrsta tímabili á Anfield skoraði mark sitt á 69 mínútu leiksins. Það var síðan Roberto Firmino sem fullkomnaði daginn með þriðja marki Liverpool á lokamínútu venjulegs leiktíma.
Salah hefur skorað 30 deildarmörk en samkvæmt Milner eru þau 32. Hann skaut létt á enska knattspyrnusambandið í dag, sem að margra mati gaf Harry Kane eitt mark á dögunum.
,,Önnur þrenna hjá Mo í dag, er bara að bíða eftir því að nefndin staðfesti hin tvö,“ skrifaði Milner á Twitter.
Another hat-trick for Mo today…. just waiting for the other two to be confirmed by the claims panel? https://t.co/GPYt4vHMn8
— James Milner (@JamesMilner) April 14, 2018