Philippe Coutinho leikmaður Barcelona gæti fengið medalíu ef Liverpool vinnur Meistaradeildina.
Coutinho lék með Liverpool fyrri hluta tímabilsins áður en Börsungar keyptu hann á 140 milljónir punda.
Coutinho lék fimm af sex leikjum Liverpool í riðlakeppni Meistaradeildarinnar.
Hann mátti sökum þess ekki spila með Barcelona í útsláttarkeppni en liðið féll úr leik gegn Roma í gær.
Liverpool myndi fá 40 medalíur ef liðið vinnur Meistaradeildina og félagið ákveður hver fær þær svo.
Coutinho gæti því sent línu á Jurgen Klopp og reynt að krækja í eina fari allt á besta veg í Bítlaborginni.